أول تعليق من أسماء شريف منير بعد حلق شعرها: قرار انفعالي

علقت أسماء شريف منير، على الجدل الكبير الذي أثارته في الفترة الأخيرة، بعد قيامها بحلق شعرها، مؤكدة بأنها فعلت ذلك بقرار لحظي انفعالي، ولم يكن بسبب تعرضها للاكتئاب.

ونشرت أسماء بعض الصور عبر صفحتها الشخصية على موقع الصور والفيديوهات القصيرة إنستجرام، خلال حضورها مهرجان القاهرة للدراما، وعلقت قائلة: “طيب أولا شكرا على كل ردود الفعل، الوحشة والحلوة كلها، ساعات مواقف زي دي بتخلي ناس تشوف ناس تانية عاملة إزاي، مجرد إنهم بيعبروا عن رأيهم، وشكرا لكل الناس اللي كانت خايفة وقلقانة عليا، ممكن بقى أقولكم الحكاية من وجهة نظري، أولا الحكاية جت صدفة وكان قرارا لحظيا وانفعاليا جدا ومش ندمانة عليه، ثانيا أنا مش بعمل كده علشان اطلع تريند”.

وتابعت: “تالت حاجة أنا الحمد لله كويسة ومبسوطة ومش أخدت الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وإرادة، وتحدي وجرأة وشجاعة، وكل حاجة في الكون، آخر حاجة، الجماعة اللي مكبرة الموضوع، ده شعري مش شعرك، أنا عجبني شكلي جدا بصراحة، شكله جامد ومديني ثقة في نفسي جدا”.