«غلطت في حق نفسي».. دانا حمدان تكشف تفاصيل تعرضها للنصب
كشفت الفنانة دانا حمدان، عبر حسابها الرسمي بموقع التواصل الاجتماعي «فيسبوك» عن تفاصيل تعرضها للنصب، مشيرة إلى أن ذلك من قبل أحد الأشخاص الذين يتاجرون في المفروشات.
وخرجت دانا حمدان عن صمتها، لتكشف تفاصيل تعرضها للنصب، قائلة: «أنا اتنصب عليا، حد قالي حوليلي فلوس عشان المفروشات اللي أنا بشتريها، وخد الفلوس ومش راضي يرجعهالي تاني، أنا بقولكم الكلام ده عشان تاخدوا بالكم، متحولوش فلوس لحد، اشتروا حاجتكم من محلات معروفة».
وأضافت: «بعترف اني غلطت في حق نفسي، مش المفروض واحدة في سني وبخبرتي في الحياة تغلط غلطة زي دي، الشخص ده مش راضي يرجعلي فلوسي بالرغم من إني طلبتها أكتر من مرة».
وتابعت: «أنا مش هسكت، وهو بالنسباله أنا فنانة يعني فلوسي مش عارفة أوديها فين، وعمال يماطل، وفيه لكنة تهديد معرفش يقصد بيها إيه، وعايزة أقوله (حسبي الله ونعم الوكيل ويا رب تترد لك في أعز ما عندك، ويا رب يبتليك ببلاوي بعدد الفلوس اللي أخدتها مني، ومش هسكتلك على الفلوس دي ومبخفش».
وفي وقت سابق، كشفت مي سليم، عبر حسابها الشخصي بموقع تداول الصور والفيديوهات «إنستجرام» عن تعرض شقيقتها دانا حمدان لوعكة صحية.
وشاركت مي سليم صورة شقيقتها دانا حمدان من داخل المستشفى عبر حسابها الرسمي بموقع «إنستجرام»، وعلقت قائلة: «ألف سلامة عليكي يا حبيبتي ربنا يشفيكي يا رب».
