دوللي شاهين: الشللية تحكم الوسط الفني.. وحاولت الانتحار كثير

كشفت الفنانة دوللي عن رفضها دخول ابنتها مجال الفن، ولكن في نفس الوقت لن تعترض على قيامها بهذه الخطوة.

وحلت دوللي شاهين ضيفة برنامج «بنشتري راجل» مع هبة السيسي، عبر قناة الشمس.

ابنة دوللي شاهين

وأوضحت دوللي شاهين: «أنا ست عقلانية، ومقدرش أمنع بنتي عن حاجة محدش قدر يمنعني منها»، مضيفة: «رغم كل جبروت بابا حاولت انتحر مرات، ويا إما أموت أو أحدد مستقبلي زي ما أنا عايزاه، أنا كائن عنده حرية الاختيار، مينفعش بعد العمر ده أحدد لبنتي هي عايزة إيه».

دوللي شاهين تدعم ابنتها

وواصلت دوللي شاهين كلامها: «موقفي هو دعم بنتي في أي حاجة هي عايزاها، لكن محبش تدخل الوسط الفني لأنه عذاب وشقاء، ومفيش عندها حد يدعمها زي ما أنا لوحدي ومفيش حد يدعمني، وساعات كتير بنقعد من غير شغل علشان الشللية في الوسط».

كما تحدثت دوللي شاهين عن فارق العمر المناسب بين الزوجين: «المنطقي الراجل يكون أكبر من مراته بفرق بسيط لغاية 4 سنين مثلا، علشان الست عادة بتنضج أسرع من الرجل، بحكم تربيتنا الشرقية وإن البنت بتتحمل مسؤولية البيت وإخواتها».

https://youtu.be/5XbnSET0A6A