عائشة بن أحمد باكية: ضهري اتكسر
دخلت الفنانة عائشة بن أحمد فى نوبة بكاء على الهواء، بسبب تأثرها بمشهد لها مع سيد رجب في مسلسل لعبة نيوتن، وتذكرها ذكرى وفاة والدها.
مسلسل لعبة نيوتن
وقالت عائشة بن أحمد باكية، خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “أون إي”: “شخصية أمينة وتركيبتها جديدة على المشاهد العربي وجريئة، وفي نفس الوقت إيه الجرأة دي وليه بتعمل كده وفي النهاية كانوا متعاطفين معاها ولما مشيت رحلت زي النسمة وتركيبة جديدة وشخصية سيد رجب ومحمد ممدوح ومنى زكي جديدة ومكتوبة بحرفية”.
مشهد منى زكي ونجاح مسلسل لعبة نيوتن
وتابعت:”للأسف مكنش معايا إلا مشهد واحد مع منى زكي في مسلسل لعبة نيوتن، واتعرفنا علي بعض اكتر بعد لما خلص المسلسل ومعرفتش استمتع بنجاح لعبة نيوتن أوي علشان كنت في تونس ومكنتش فاهمة النجاح الكبير للعمل، محمد فراج قال لي إحنا مكسرين الدنيا وهو اللى خلاني أفهم ان المسلسل جامد أوي”.
شخصية سيد رجب
وأضافت:”سيد رجب بيجبي التصوير زي النسمة ولما بيتكلم بيعطي طاقة حلوة وبيريح والشغل معاه ممتع ومتواضع اوي وبحس انه مش عارف حجمه وعامل زي الطفل بس انا شايفاه حاجة كبيرة وهو بيتعامل انه طفل صغير جاي يلعب ويحب ويتحب”.
واستطردت:”مسلسل لعبة نيوتن، فتح لي ابواب البطولة، فيه ناس مكنتش شايفة فيا اني ممثلة وبعدين عرفوا وفهموا اني فعلا ممثلة انا مش عايزة يتقال عليا وجه جميل وإلا اروح اشتغل موديل، لكن انا ببذل مجهود كبير علشان ميقولوش عليا وجه جميل وأفرح لما الناس تشوف اني بمثل علشان موهوبة وعندي القدرة”.
بكاء عائشة بن أحمد
وعادت عائشة بن أحمد لتبكي من جديد، بسبب تذكر وفاة والدها، قائلة:”حسيت ان ضهري اتكسر وانقسم فعلا بس هو في مكان احلى بكتير من اللى احنا الله يرحمه وبعد وفاته جيبت ماما تعيش معايا في مصر”.
الإنجاب والزواج لدى عائشة بن أحمد
ولفتت: “ممكن الواحدة تفضل جميلة وحلوة بدون خلفة وأمي تفهمت فكرة إني مش عايزة أتجوز ودلوقتِ كمان فيه تجميد البويضات ونفسي أبقى مبسوطة في حياتي، وأنا دايما بعرف أحمي نفسي علشان دايمًا بخاف من الغلط”.
واختتمت: “في حياتي العادية مش بحب أحط ميك آب وبحب أظهر على طبيعتي”.
