حل الفنان شريف سلامة ضيف إيناس سلامة الشواف في برنامج أرقام على راديو إنرجي٩٢.١ وقال سلامة إن مقولة العمر مجرد رقم دي عبث، قائلا: “الزمن من أقوى مخلوقات الله ولازم نتعظ به والتجارب مرتبطة بالنضج وبالشخص نفسه هل هو متأمل ولا سطحي.. وليست مرتبطة برقم العمر”.
وتابع: “فكرة ربط أهدافنا بأرقام عمرية عبث برضه في رأيي.. وبعتذر لو كلامي صادم، الإنسان مهما كان عمره يقدر يعيش تفاصيل حياته طالما أنه لم يؤذ أحدًا”.
وقال عن الايرادات وعن الترند: “لما القاعة بتكون كاملة العدد بحس بسعادة شديدة واستغراب شديد وأرقام الترند وهمية وعبثية وأرقام المشاهدات بنسبة كبيرة زي الترند برضه ولكن أرقام الإيرادات الوحيدة اللي نقدر عليها مؤخرا بقت مظبوطة”.
وعن مقولة الفنان الأعلى أجر قال: “الأعلى أجرًا على أرض الواقع بتفرق حتى لو ده مصنوع احنا اللي خليناه كده.. بس اللي يفرقلي أكثر جودة العمل لأن ممكن أعلى أجر يقدم أعمالا سيئة فأنا هستفيد إيه؟”.
وبشأن ترتيته على الأفيش قال: “ترتيبي على الأفيش قيمة أدبية لكن أنا بحب أريح مش بتخانق عليها لأنها مش باقية والنجومية عمرها قصير”.
وقال شريف سلامة: “كوني ابن سلامة حسن المخرج المسرحي الكبير مخليني عاوز أكون فنانا، الناس تحترمه وتحترم موهبته بدون ماعمل اللي أصبح شائع دلوقتي بأهمية ارقام الفولورز وحساب مردودها لأني شايفها أوهام لا أتابع السوشيال ميديا”.
وختم حديثه: “الأرقام مش مقياس ولو ريا وسكينه عايشين كان الأكاونت بتاعهم هيجمع أكبر رقم.. المقياس هو القيمة الأدبية للفنان ومسئوليته تجاه الناس وبينقل لهم إيه لأن الرزق اللي بيدخلنا بيقابله رسالة نقدمها للناس”.
