الملحن مدين يشيد بتامر حسني: «فنان شامل يجمع بين الموهبة والإنسانية»
هويدا محمود
أعرب الملحن مدين عن تقديره الكبير للنجم تامر حسني، واصفًا إياه بأنه نموذج للفنان الشامل الذي يجمع بين الموهبة والإنسانية، وذلك خلال لقائه مع الإعلامي كريم خطاب.
وقال مدين: “تامر حسني مركز في حلم كبير جدًا، إنسانيًا وفنيًا، وعشان كده ربنا بيكرمه. هو يستحق كل النجاح والمكانة اللي وصل لها، وأتمنى له المزيد من التوفيق.”
وأضاف: “تامر من الناس القليلة اللي بيجمعوا بين مواهب متعددة. موهوب في الموسيقى، كتابة الأغاني، التلحين، الإخراج، وكمان كممثل. لما بشوفه بيمثل، بحس إن ده شغله الوحيد، ولما أسمعه بيغني، بحس إن ده مجاله الأساسي. هو بيعمل كل حاجة بحب وإتقان.”
واختتم مدين كلامه بتوجيه رسالة إلى تامر حسني، قال فيها: “ربنا يبارك لك في كل حاجة بتعملها، لأنك بجد تستاهل كل المكانة اللي وصلت ليها، وأكتر كمان.”
من جهته، رد تامر حسني على كلمات مدين عبر حسابه الرسمي على “إنستجرام”، قائلاً: “يا مدين يا أبو قلب جميل، أنت اللي فنان كبير وإنسان سوي وقلبك أبيض. ألف شكر ليك يا حبيبي.”
جدير بالذكر أن مدين قد تعاون مؤخرًا مع تامر حسني في لحن أغنية “موضوع رجوعنا”، التي حققت نجاحًا كبيرًا ونالت إعجاب الجمهور.
منشورات الملحن مدين والفنان تامر حسني
منشورات الملحن مدين والفنان تامر حسني