آيتن عامر تدعو جمهورها لدعم القضية الفلسطينية إلكترونيا
حذرت الفنانة آيتن عامر الجمهور من اعتياد المشهد، الذي يتعرض له أهالي غزة يوميا على أيدي الكيان الصهيوني، وذلك من خلال فيديو نشرته عبر حسابها الرسمي بموقع تبادل الصور والفيديوهات انستجرام.
وقالت أيتن عامر في الفيديو: “الفترة دي كل المواقع بتتكلم عن المشكلة اللي حاصلة في العالم اللي ربنا يعديها على خير بمعجزة من عنده لأن مفيش أي حل تاني غير معجزة إلهية بما إن العالم كل ساكت، وكل المواقع بتاعتنا بتتعرض لهجوم وريتش واقع.
وتابعت أيتن عامر حديثها، قائلة: ياريت أي أكونت تشوفوه بينشر عن الموضوع لازم تتفاعلوا معاه بكل الطرق سواء لايك أو كونت وده اللي نقدر نعمله ونكمل الحملات المحلية اللي بنعمها لأنها بتأثر جدا، واحنا في حرب كبيرة.
واختتمت أيتن عامر حديثها، قائلة: الفترة الجاية هنشر صور عشان الأكونت يرجع تاني، والحياة لازم تكمل وتمشي بس إياكم واعتياد المشهد لأن ده في حد ذاته انتصار ليهم مش لينا واحنا في ايدينا حاجات كتير نقدر نعملها وننفذها وهما محتاجين دعواتنا كلنا واللي يقدر يعمل حاجة يعملها.
