إسعاد يونس:الخدمات الإعلامية هترجعنا لزمان واللي بندور عليه

​ وجهت الإعلامية، إسعاد يونس، مقدمة برنامج «صاحبة السعادة»، الشكر والتحية للشركة المتحدة للخدمات الإعلامية، على الجهود المبذولة في إنتاج برامج متنوعة خلال الفترات الماضية.

وأضافت إسعاد يونس، في حديثها عبر قناة «دي إم سي»: «النهاردة بتكلم على الشركة المتحدة للخدمات الإعلامية علشان أنا في المطبخ وشايفة اللي بيحصل فيه ومتأكدة إني الشغل اللى بيتعمل هيعجبكم جدا لأن الناس اللى بتعمل الشغل ده في الشركة بتقدم نوعا جديدا في الإعلام والكلام اللى إحنا بنردده في الشارع في مصر عن الفن والإعلام والعصر الذهبي للإعلام اللي كنا بنشوفه في برامج الفن والباليه والموسيقى والأفلام القديمة لعمالقة الفن زي سناء منصور ودرية شرف الدين وبرامج التعليم الخاصة بالمجتمع وبرامج الأطفال اللي تخلي الأطفال تتعلم واللى إحنا فاكرينها لحد دلوقتي كمان برامج العلم والإيمان وعالم البحار».

وقالت الإعلامية إسعاد يونس: «حقيقي في نهضة الشركة المتحدة للخدمات الإعلامية بتعملها دلوقتي تبحث عن النهضة من أول وجديد وما يشبه العصر اللى إحنا بندور عليه علشان النقص برضه اللي في برامج الأطفال وده شغالين عليه كويس جدا الشركة تسعى لنهضة إعلامية حقيقية وهترجع الأطفال تاني للتليفزيون وكمان هيتفرجوا مع عائلتهم بابا وماما وإخواتهم وكلنا بندور على ده في صاحبة السعادة وإزاى الأسرة ترجع تتلم حول البرامج من تاني».

وتابعت الإعلامية إسعاد يونس: « كمان الشركة بتعمل حاجات عن السياحة والمعالم المصرية القديمة ومصر الحضارة ومعلومات عن تاريخ مصر ويمكن الناس مش بتدور على ده ومش بتزور الأماكن دي حاليا لكن المتحدة بتعمل الشغل ده».

وأوضحت إسعاد يونس قائلة: « كمان المتحدة للخدمات الإعلامية شغالة على قنوات الأخبار علشان في كلام طلع بيقول إن إحنا مش جامدين وعايزين يبقى عندنا مراسلين أقوياء والاطلاع على الأخبار العالمية وده بيحصل دلوقتي في قناة إكسترا نيوز وهنشوف الأجيال الكبيرة أصحاب الخبرة في البرامج والشباب اللي يشرف ويطول الرقبة علشان كده عايزين نشكر الشركة المتحدة للخدمات الإعلامية ونقولهم انتوا عاملين جهد كبير وعظيم وده باين جدا فتحية من صاحبة السعادة للشركة المتحدة للخدمات الإعلامية».

https://www.facebook.com/watch/?ref=external&v=503631111770354