أبو الليف: «عودتي للغناء الفترة المقبلة ستكون قوية»

دنيا سلامة

أعلن الفنان نادر أبو الليف العودة بقوة للساحة الغنائية في الفترة المقبلة بعد غياب، مضيفًا: “أنا الفترة الجاية هتبقي عودتي قوية وقاتلة وباستماتة كمان، وعامل شغل جديد، ومعايا فرقتي وهعمل شو خارجي، ومجهزلكم مفاجآت كتير”.

وأوضح أبو الليف، خلال لقائه ببرنامج insider بالعربي، أنه انتهي من مجموعة أغان وسيقوم بطرح مجموعة أغنيات منفصلة كل شهرين، معلنا عن مفاجأة كبيرة بتعاون ودويتو مع مطربة شهيرة خلال شهر يناير المقبل، لافتًا إلى أنه حدثت مجموعة معوقات تسبب في عدم طرح أغنيته “عصبية” في الفترة الماضية، وسيتم طرح أغنية أخرى بعنوان “مين يزغزغكم”، مؤكدًا أنه سيدخل في إنتاج أغانيه، والسبب: “للأسف شركات الإنتاج مبقتش تنتج بيروحوا لمغنيين المهرجانات والسبب السعر وبياخدها ببلاش وده بيضايق أي فنان أو مطرب خايف على فنه، وحضارتنا، لكن الأستاذ هاني شاكر والحكومة شغالين ودورهم واضح في مكافحة الفساد في الوسط الفني، وحابب أوجه رسالة لفناني المهرجانات وأقولهم: بكل صدق وحب وأخوه أنت عايز تبقي فنان محترم ثقف نفسك الأول”.

ووجه أبو الليف رسالة للفنانة شيرين عبد الوهاب وحسام حبيب مفادها: “حسام حبيبي جدا وشيرين حبيبتي جدا وإخواتي وأتشرف بيهم ولكن اللي حاصل منهم مش حلو، إذا كانت شيرين أو حسام، مينفعش أنشر غسيلي قدام الدنيا كلها في خصوصية، أتمنى منهم إن بابهم يتقفل عليهم، مهما كانت في الخلافات بينهم أو مفيش يمكن دا مصطنع يعلم الله ما في الصدور مفيش حاجة مضمونة وممكن دا بيتعمل عشان ألبوم شيرين اللي نزلته مثلا”.