ظرف مرضي.. راندا البحيري توضح سبب زيادة وزنها في الفترة الأخيرة
حرصت الفنانة راندا البحيري، علي توجيه رسالة لجمهورها بعد تصدرها التريند في الأيام الأخيرة بسبب ظهور وزنها زائد في تسجيل بعض البرامج.
وكتبت راندا، عبر حسابها الرسمي بموقع التواصل الإجتماعي “فيسبوك”: “اطمنوا عليّ.. أنا كويسة جداااااا الحمد لله.. اللي كان مخليني مش فرحانة فترة طويلة إن كان فيه أسرار كتير وحاجات مقولتهاش لبني آدم، وحاولت أقولها للناس المعنية بحلها ومعرفتش بس بجد لما خرجت مني للناس القريبين الطيبين ارتحت الحمدلله جداً إنما فكرة الشغل وكده أنا مش بشتكي أساساً ولا عايزة حاجة من حد والحمدلله أنا حالتي المادية كويسة جداً وشغالة في حاجات كتير تانية غير التمثيل”.
وأضافت قائلة: “بالنسبة للوزن الزائد اللي ظهرت بيه في حلقة الإعلامية الجميلة أوي مروة صبري، فأنا كنت خارجة من دور برد قاااااسي قعد معايا شهر خدت فيه ٣ علب مضاد حيوي وخدت دواء علشان أقدر أتنفس وخدت دواء للحساسية والأدوية خلت المياه تتحبس تحت الجلد ده غير إن الزاويو اللي اتصورت منها كانت مش حلوة تماما والإضاءة متظبطتش علي وشي صح وأنا كنت مرتبطة ببرنامجين برنامج مروة صبري وبعدها بــ ١٨ ساعة برنامج مروة عبد المنعم علي قناة الشمس وبالرغم من أن الوزن الزائد مش حاجة المفروض أطلع أبررها”.
واختتمت كلامها قائلة: “بس أنا حبيت أوضح مش أبرر علشان لاحظت إن فعلاً فيه ناس خافت عليّ وفيه ناس تانية ابتدت تطلع إشاعات إن فيه عندي حاجة أكبر من كده بس الحمد لله أنا بطمنكم مفيش أي حاجة وأصلا المياه اللي تحت الجلد دي نزلت بعد تصوير البرنامج بــ ٤٨ ساعة وأنا دلوقتي حالا أحسن بكتير أوي أوي”.
من ناحية أخري، تنتظر راندا البحيري، عرض مسلسل “شمال إجباري” بطولة صلاح عبدالله، هالة فاخر، فراس سعيد، عماد رشاد، سامح الصريطي، منير مكرم، نوليا مصطفي، إخراج محمد خضري تأليف خالد الغيطاني ومن المقرر عرضه خلال الفترة المقبلة.
