“نفسي أقعد معاك وأحضنك”.. رسالة مؤثرة من ابنة نور الشريف
حرصت الفنانة مي نور الشريف على إحياء ذكرى ميلاد والدها الراحل، وذلك عبر صفحتها الرسمية على موقع التواصل الاجتماعي للصور والفيديوهات “إنستجرام”.
وكتبت مي نور الشريف عبر حسابها بموقع إنستجرام: واحشني جدا نفسي أقعد معاك وأحضنك وأحكي لك حاجات كثيرة وآخد رأيك، الحمد لله على أنك في حياتي حضرتك علمتنا حاجات كثير في الحياة والفن والناس، خلت حياتنا أنا وسارة مميزة ونظرتنا للحياة مختلفة، حتى ذوقنا.
وأضافت مي نور الشريف: حضرتك أكرمتنا في حياتك وربنا كرمنا بسيرتك الحلوة وحب الناس ليك، أنا فخورة إنك أبويا، أتمني تكون فخورا إني بنتك، إيماني بالله أنك في مكان أحسن، عيدك في الجنة بإذن الله برحمته وكرمه، بنتك مي.
وكشفت مي نور الشريف، خلال تصريحات صحفية قائلة: “أنا مش محجبة ومش فاهمة ليه انتشرت الشائعة دي ويمكن حد شك إني اتحجبت ولكني بقوله لأ، وفي ناس بتكون عايزة تعرف الحقيقة وناس تانية بتتسلى بنشر الشائعات مش أكتر وربنا يشفيهم.
وأضافت: “أنا في إجازة حاليًا من الأعمال الفنية ورمضان فرصة حلوة إننا نتفرغ أكثر للعبادة، ولكن أكيد في نفس الوقت هنتابع المسلسلات وهشوف الكوميدي؛ لأن حياتنا كلها دراما”.
