عمر كمال يبكي بشدة: الدنيا كسرت بخاطري وما جاتش معايَ

عمر كمال، قال مطرب المهرجانات عمر كمال: “نزلت موقف رمسيس وفي جيبي 10 جنيه وقلت لنفسي أنا ورثي خلص وأمي مش هتديني فلوس والبيت ما فيهوش فلوس ولازم تزود المبلغ اللي معاك دي والبلد تمشي فيها بعربية ويكون لك فيها اسم يا تسافر أي حتة تانية تدارى”.

قصة حب فاشلة لعمر كمال

وتابع خلال لقائه ببرنامج “يحدث في مصر” الذي يقدمه الإعلامي شريف عامر بقناة “إم بي سي مصر”: “الدنيا كسرت بخاطري وما جاتش معايَ، حتى الإنسانة الوحيدة اللي حبيتها في حياتي أحرجتني وأنا بشتري شبكة ما كانش معايا إلا 3 آلاف جنيه في جيبي، فهي جابت دبلة ومحبس وخاتم ولما اتوزنوا الراجل لقاهم تقال وقال لي المبلغ 7 آلاف جنيه، ولما قالها بكرة يجيب لك الدنيا كلها واختاري حاجتين بس فقالت له أنا مختارة حاجة خفيفة ومن أولها كدا”.

عمر كمال وزوجته

وأضاف: “كنا رايحين نجيب فستان الخطوبة فقلت لها مش مشكلة الشبكة وهنظبطها فقالت لي امشي قدامي وحسستني إنها مش متشرفة بيَّ، فسِبت السويس وقلت هروح القاهرة بـ10 جنيه وأثبت نفسي يا أبقى مهزوم وأنا كنت عايز أغني ودعيت ربنا والدعوة استجابت”.

عمر كمال وندى الكامل
ومؤخرًا ترددت شائعات عن زواج الفنان الشاب عمر كمال، من ندى الكامل طليقة الفنان أحمد الفيشاوي.

وحول حقيقة هذه الشائعات نفى عمر كمال، زواجه من ندى الكامل طليقة الفنان أحمد الفيشاوي.