“كنت رزقي الكبير”.. بهذه الكلمات عبرت نشوى مصطفى عن حزنها بفقدانها زوجها

وجهت الفنانة نشوى مصطفى رسالة لـ زوجها الراحل، عبرت فيها عن حزنها الكبير لفقدانه وذلك عبر صفحتها الخاصة على موقع «فيسبوك».

وكتبت الفنانة نشوى مصطفى قائلة «الله يرحمك ويسعدك ويراضيك يانور عينيه، عارف ياعماد إمبارح أخويا بيقولي أنتي كنتي مهمومة وبتراعي وواخدة بالك مننا كلنا وأبيه عماد هو الوحيد اللي كان مهموما وواخد باله منك وبيراعيكي ومهتم بيكي، ياعماد أنت كنت رزقي الكبير، ورزقي انقطع، أنت كنت سندي وضهري وستري».

وتابعت نشوى مصطفى قائلة، «أنت كنت اطمئنان قلبي، أنت كنت سري كنت باجري عليك اشتكي لك وتصبرني، اسألك وتفهمني كنت أبويا ودلوقتى أنا اتيتمت، مش هاكذب عليك أنا بمثل إنى عايشة قلبى مغروس فيه خنجر وروحى مصلوبة فوق محرقة نار فراقك بتزيد كل ما الوقت بيعدي».

واختتمت رسالتها إلى زوجها الراحل، قائلة: «نار فراقك بتزيد كل ما الوقت بيعدى مش بتقل، خدعتنى ومشيت بسرعة، بينا كلام لسه مخلصش، بينا أحلام لولادنا وأحفادنا لسه ما اتحققتش، أنت موجود قدام عينيه طول الوقت وصوتك فى ودانى، ادعى لى يا حبيبى، يارب امتى اللقا، اللي بيحب ربنا يدعى لحبيبى بالرحمة ويدعى لى بالصبر ويدعى لولادى بالصبر والثبات».

انهيار نشوى مصطفى في أول ظهور لها

وكانت الفنانة نشوى مصطفى انهارت من البكاء أثناء حديثها عن زوجها، في أول ظهور تليفزيوني لها بعد وفاته، وذلك بعد رحيله يوم 28 ديسمبر الماضي، موضحة أنها عادت إلى العمل بسبب التزاماتها.

وقالت نشوى مصطفى، خلال برنامجها المعروض على قناة cbc سفرة: الحقيقة أنا مش عارفة أبتدي الحلقة النهاردة إزاي، فيه التزامات، فالحياة بتجبرنا على إن إحنا لازم نشتغل، وأنا ما كنتش عايزة أكون موجودة النهارده علشان أنا ما بحبش أزعج حضراتكم بشيء شخصي، فسامحوني وهحاول أتماسك قدر استطاعتي، ومن فضلكم اللي بيحب ربنا لو سمحتوا ادعوا لزوجي بالرحمة.