هل فكرت شيرين عبد الوهاب فى الإنتحار.. عمرو أديب يجيب

عبر  الإعلامي عمرو أديب عن حزنه الشديد للفنانة شيرين عبد الوهاب بسبب الأزمة التى تمر بها بعد تعدي شقيقها عليها بالضرب، وقال: “أنا رأيي إن شيرين عبد الوهاب ممكن في أي لحظة تنتحر وتنتهى، واللى يوصل للمرحلة اللى فيها وارد جدا نقوم في يوم منلقهاش، معرفش مين السبب وإيه اللى بيحصل إنما إحنا بنتكلم عن ثروة في مصر اسمها شيرين، وواضح أنه من كتر شد شيرين هتتقطع”.

شيرين عبد الوهاب

وتابع خلال برنامج “الحكاية” المذاع على قناة “إم بي سي مصر”: “شيرين عبد الوهاب بتضيع يا جماعة إذا مكنتش ضاعت فعلًا”.

وضع شيرين عبد الوهاب

وأضاف: “كل المعلومات اللى بتقولها والدتها وأخوها لو حقيقية إحنا قدام حاجة مرعبة، وطبعا لو أخوها وداها المستشفى من 3 أيام لغاية دلوقتي يبقى فيه سبب، ومفيش مستشفى يقدر يحتجز حد إلا لما يكون فيه حاجة”.

شيرين تنتحر

وأكمل: “شيرين عندها مشكلة فعلًا، فين النقابة؟ فين المحامين؟ لازم أكيد فيه جهة ما في البلد تقدر تفهم إيه الحكاية، لأن بجد شيرين مقبلة بالشكل ده على الانتحار”.

شقيق شيرين

وقال محمد عبد الوهاب، شقيق الفنانة شيرين عبد الوهاب: “حكاية شيرين عبد الوهاب معقدة خالص، وأنا دلوقت أختي بتتعرض لخطة سيئة من حسام حبيب وسارة الطباخ، وأختي بتنهار وبتضيع، وأنا لا ضربتها ولا اعتديت عليها”.

وتابع خلال مداخلة هاتفية ببرنامج “الحكاية” الذي يقدمه الإعلامي: “حسام حبيب رجع لشيرين عبد الوهاب خلال الفترة الأخيرة وجابلها العربية بتوكيل وتنازلت عن القضايا وهو لم يتنازل عن ولا قضية وضحكوا عليها، وبعد كده رجعوا لبعض وبيتكملوا مع بعض على الواتس آب، وبعد كده شيرين كانت مأجرة شقة في التجمع وهي دي الشقة اللي أنا رحت أجيبها منها، وجيبتها لأنها كانت بتتعاطى مخدرات هي وحسام حبيب، والنيابة العامة تحقق مع المستشفى اللى شيرين بتتعالج فيه”.

وأكد: “عندما ذهبت لشقة التجمع لم أعتدِ على شيرين عبد الوهاب، والمتخصصين في المستشفى هما اللى أخدوها من أجل العلاج الإلزامي، وهي بتتعاطى مخدرات منذ فترة وأمي عارفة الكلام ده”.