نهى العمروسي عن مصدر دخلها: من عند ربنا ودي حاجة تخصني
قالت الفنانة نهى العمروسي إنها لم تخاصم الفن ولكن كل الأعمال التى تتلقاها غير مناسبة لشخصيتها.
وتابعت خلال لقائها ببرنامج “كلام الناس” المذاع علي قناة “ام بي سي مصر”:” انا مش ههزق نفسي بالمشاركة في أدوار مش من قيمتي، وانا مقدرة نفسي ويا جبل ما يهزك ريح مهنتي”.
وأكملت:”لو الفن مقدرنيش خلاص عادي مش هتقهر ولا اتشحتف لإني اقوي من كده ومش هاشتغل تمثيل”.
ولفتت:”مصدر دخلي من عند ربنا ودي حاجة تخصني، ودلوقتي بنمي روحي وثقافتي واستخدم الإنترنت بشكل مفيد اني اثقف نفسي واقرأ كتب واتعلمت الرسم”.
وأضافت:”انا عندي كبرياء وكرامة واترفع اني اطلب شغل فني من أي حد حتي لو كان مقرب، ومش قيمتي اني اطلب من حد انه يشغلني والدور لازم ينده عليا وانا قابلة اني الفن يبعد عني”.
وأشارت:”حزنت وعيطت لما مضيت علي مسلسل بثمن بخس، واتقهرت ساعتها علي نفسي لإنه مكانش من قيمتي العمل ولا الأجر”.