ناهد السباعي: سقف طموحي فى الجواز لازم يكون عالي
كشفت الفنانة ناهد السباعي الشروط التي تبحث عنها في زوجها المستقبلي.
وقالت ناهد السباعي خلال استضافتها في برنامج “الحكاية” الذي يقدمه الإعلامي عمرو أديب عبر قناة MBC مصر: “طبعا في معاكسات لكن المعاكسات بتقف معايا عند الورد والواتساب، وأنا دلوقتي صورت مسلسل وباعمل رياضة وبازرع، معنديش وقت أشوف أصحابي أو أقعد مع قرايبي أكتر، لكن أكيد أنا زي أي واحدة ربنا خلقها نفسها يبقى عندها زوج وأسرة وبيت”.
وردا على سؤال هل يشعر الرجال بقوة شخصيتك وصعوبتها بالنسبة لهم؟ قالت: “أنا شخصيتي تبان قوية، لكن ماما وجدي وجدتي شخصياتهم أقوى، وشخصيتي أضعفهم”.
وتابعت: “كان نفسي مفهومنا يتغير، ونبطل نفهم البنت بعد ما تخلص دراستها وتبقى مثقفة إن الجواز أكبر طموحاتها، أكيد اختياراتها هتختلف”.
وأكملت: “الراجل اللي هيتقدملي لو مش هيعاملني زي بابا وإخواتي الولاد مش هوافق، ولما يبقى جدي فريد شوقي لازم يبقى سقف طموحي عالي شوية”.
ناهد السباعييذكر أن ناهد السباعي شاركت مؤخرا في مسلسل “منورة بأهلها” من تأليف محمد أمين راضي، إخراج يسري نصر الله، وبطولة ليلى علوي، غادة عادل، أحمد السعدني، باسم سمرة، رانيا يوسف، سلوى خطاب، سلوى محمد علي، محمد حاتم وعباس أبو الحسن.
