صالح جمعة: فايلر أسلوبه كان “صعبا” وسبب رحيلي عن الأهلي

أكد صالح جمعة لاعب الأهلي السابق وسيراميكا كليوباترا الحالي، أن الزمالك دخل في مفاوضات معه عن طريق شقيقه عبد الله وكذلك بعض الوكلاء.

قال صالح جمعة في تصريحاته عبر برنامج الريمونتادا على قناة المحور: “سيراميكا نادي محترم جدا، والإدارة محترمة والناس بتعاملنا بشكل ممتاز وأحمد سامي على المستوى الشخصي يتعامل معنا بشكل رائع وبيحل مشاكل اللاعيبة”.

أضاف: “أحسن 5 سنين ونص في الملاعب بالنسبة لي لما كنت في النادي الأهلي، وكان في مدربون في الأهلي علاقتي بهم كويسة جدا، وفي مدربين اتعاملوا معايا بشكل مختلف وطلعوا أحسن حاجة في صالح وفي مدربين العكس عشان كده مكانش في بينا تفاهم”.

وواصل: “لحد النهاردة بتابع النادي الأهلي وأمنيتي أرجع النادي الأهلي، العلاقة فعلا كانت متوترة بيني وبين فايلر فوجئت من ساعة قدومه حتى في التقسيمات بيخرجني، وسيد عبد الحفيظ اتكلم معاه وقاله قرب من صالح وكان أسلوبه معايا صعبا شوية، وفضلت 6 شهور في الجيم تحت قيادته، والناس في الأهلي وقفت جنبي وكان ليا فلوس وسبتها ولما اتكلمت مع سيد عبد الحفيظ قولتله أنا عايز أمشي خالص وقالي اللي أنت عايزه أحنا هنعملهولك”.

وعن أفضل لاعب في مصر حاليا قال: “أحمد سيد زيزو معجب جدا بأدائه صراحة، وكان في كلام مع الزمالك عن طريق عبد الله جمعة أخويا وعن طريق وكلاء بيتكلموا مع الزمالك لكن أنا فاضلي سنتين في سيراميكا بعمل اللي عليا ومنتظر نهاية الموسم أشوف الدنيا فيها إيه، وهوافق طبعا لو جالي “عرض رسمي” من الزمالك، فهو ناد كبير وجماهيرية كبيرة وإدارة كبيرة الزمالك شرف لأي حد”.