زوجة فنان شهير .. نجوى فؤاد: جوزي خانني مع صاحبتي | فيديو
كشفت الفنانة نجوى فؤاد: “جرح الخيانة بيفضل عايش في البني آدم، ومش قادرة أنسى أن جوزي خانني مع صاحبتي”.
وقالت خلال الجزء الثاني من لقائها ببرنامج “ضرب نار” الذي تقدمه الإعلامية داليا فؤاد بقناة “القاهرة والناس”: “أنا كنت لا أنام طول النهار في الإستوديو وبشارك في أفلام، وبالليل بشتغل في أفراح كبيرة وفنادق”.
وأضافت: “جوزي اللي خانني كنت بحبه جدًّا، وكنت بحب صديقتي جدًّا، وكانت أول زوجة لعمر خورشيد ورقصت في فرحهم، وأم كلثوم وعبد الحليم حافظ مشيوا معايا لأننا كلنا كنا بنحب عمر خورشيد، وأنا سامحت بس جرح الخيانة لسه واجعني لكن ما باليد حيلة”.
وأكدت الفنانة نجوى فؤاد في وقت سابق: دلال عبد العزيز كانت صديقتي وبتكلمني كل يوم الصبح وتطمن عليا، ما حستش بغربة في الوسط الفني غير بعد وفاتها.
وتابعت خلال لقائها ببرنامج “كلام الناس” المذاع على قناة “إم بي سي مصر”: “ما بقتش أعرف أوصل لفيفي عبده، ودايمًا تليفونها مقفول، وآخر مرة زارتني من سنتين”.
رقص الأوكرانيات
ولفتت: “الأوكرانيات بيرقصوا حلو لكن لبسهم كله مفتح وشبابيك ولازم يبقى عليهم رقابة لأن محدش بيرضى بكده وربنا غاضب عليهم، ولما بشوفهم بكون غاضبة من شكلهم الفاضح، لأننا في مجتمع شرقي، أنا أول واحدة غطت بطنها وهي بترقص”.
