هدى رمزي توجه رسالة لشيرين عبدالوهاب: فوقي

حرصت الفنانة هدى رمزي على توجيه رسالة للمطربة شيرين عبدالوهاب، قائلة إنها كانت تعتبرها صوتا عظيما من أصوات مصر، ولها مسيرة عظيمة لأنها حفرت في الصخر لكي تصل لما وصلت له.

وأضافت في مداخلة مع برنامج “تفاصيل”، الذي تقدمه الإعلامية نهال طايل عبر قناة صدى البلد 2: “شيرين عبدالوهاب الروعة دي الظروف اللي اتحطت فيها النهاردة بتتعامل معاها، الحقيقة أنا بشوفها بتخسر ومحافظتش على مكانتها”.

وأشارت هدى رمزي إلى أن الحياة الشخصية جعلت شيرين تصل لما هي عليه الآن، فالحياة الشخصية تدمر الفنان مهما كان منصبه، حتى لو لم يكن فنانا بل مجرد شخص عادي.

ووجهت هدى رمزي رسالة لشيرين عبدالوهاب قائلة: “إنتي خسارة ارجعي تاني الفنانة اللي بتحترم فنها وجمهورها علشان هو اللي هيدكي طاقة بعد ربنا سبحانه وتعالى، إزاي توصلي للدرجة دي، فوقي وقومي وارجعي تاني واقفلي الباب ده تماما وحطي لوح قزاز واطلعي لقدام وانسي كل اللي ورا وبجد أتمناها ترجع من جديد”.