أحمد سعد بعد عودته لعلياء بسيوني: كريستيانو رونالدو وجورجينا مش أحسن مني
هويدا محمود
كشف النجم أحمد سعد أنه سعى من خلال إعلانه عن عودته لزوجته السابقة علياء بسيوني إلى إرسال رسالة إيجابية عن حياة الفنانين.
وأضاف خلال مداخلة مع الإعلامي عمرو أديب في برنامج “الحكاية” المذاع عبر قناة MBC مصر: “أنا كنت عايز أقول إن حياة الفنانين مش دايما مشوهة، وكان نفسي نقول لأي اثنين متخانقين يبعدوا عن كل الناس ويتعاملوا مع بعض ومع مشاعرهم”.
وتابع، أديت لنفسي فرصة أنا وأم عيالي نكلم بعض، بدل ما الناس تنقل عنا أخبار، وننسى كل حاجة وحشة ونبص لبعض بنظرة فيها اعتبار للأولاد”.
وردا على سؤال ما طبيعة علاقتهما حاليا، قال أحمد سعد: “كريستيانو رونالدو وجورجينا مش أحسن مني، الفرق بيني وبينه إنه عايش معاها، أنا وخطيبتي مش عايشين مع بعض، لكن بيني وبينها عيال ودي حاجة عظيمة، وأي واحدة متجوزة فنان لها الجنة”.
وأشار أحمد سعد إلى أنه ينوي إقامة حفل زفاف كبير جديد قائلا: “هنعمل فرح كبير جدا، وهنعزم فيه كل الفنانين أصحابي وكل المطربين، وهنعزم ولادنا علشان بناتي يلبسوا نفس الفستان، وابني يلبس نفس بدلة أبوه، مينفعش الولاد ميحضروش فرح أبوهم وأمهم”.
من ناحية أخرى، كشف أحمد سعد عن أنه يستعد لطرح ألبوم غنائي جديد خلال موسم الشتاء المقبل قائلا: “بحضر ألبوم حزين كله دراما هينزل في الشتا، وأوعد الناس بشكل مزيكا جديد”.
أحمد سعد أحمد سعد وعلياء بسيوني
وكان أحمد سعد أعلن عن عودته لزوجته علياء بسيوني خلال تواجده على المسرح في مراسي بالساحل الشمالي، حيث أحيا حفلا غنائيا في إطار الاحتفالات باليوم الوطني السعودي الـ 94.
أحمد سعد أحمد سعد وعلياء بسيوني
وقال أحمد سعد خلال تواجده على المسرح برفقة علياء بسيوني: “في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة”.