تفاصيل العثور على زخارف مسجد المرسى أبو العباس فى الزبالة
مسجد المرسى أبو العباس، كشف الدكتور محمد عادل دسوقي أستاذ العمارة بالأكاديمية العربية للعلوم والتكنولوجيا، ما حدث في زخارف مسجد المرسى أبو العباس بالإسكندرية.
جريمة تشويه مسجد المرسى أبو العباس
وقال “دسوقي” خلال مداخلة هاتفية ببرنامج “كلمة أخيرة” الذي تقدمه الإعلامية لميس الحديدي بقناة “أون”: “من فترة كانت وزارة الأوقاف هي اللي في حيازتها مسجد المرسى أبو العباس، قالوا إنهم عايزين يعملوا ترميم في المسجد وفجأة الكام أسبوع اللي فاتوا المقاول اللي أسند إليه الترميم تدخل تدخل غير مسؤول وسيئ ومؤسف وجريمة، وأزال زخارف المسجد اللي هي نقش بارز معمول بشكل ثلاثي الأبعاد، ومش مجرد رسم على سطح، وللأسف اتكسرت واترمت في شكاير”.
تصميم مسجد المرسى أبو العباس
وأوضح: “في الأصل المعماري الإيطالي اللي صمم المسجد كان المفروض يبقى فيه قبة كبيرة أكبر من كده لكن لأسباب كتيرة قرر يعمل الشخشيخة والسقف اللي عليه النقوش البارزة، وبعدين المقاول أزال الزخارف والنقوش في جريمة كبيرة”.
إعادة نقوش مسجد المرسى أبو العباس
ولفت: “علشان نرجع النقوش والزخارف التكلفة هتبقى كبيرة ومحتاجين ندور في الأرشيفات المختلفة أو أي معماري صور المسجد وعمل بحث ويكون مصور المسجد علشان نستنتج ونرسم اللي كان موجود، وبعدين نشوف إيه اللي كان بارز لإعادة الشيء إلى أصله”.
وتابع: “عندنا مساجد اتشوهت وتمت إعادة بنائها بشكل غير مدروس ومنابر كاملة في مساجد مملوكية اتسرقت وحشاوي خبشية بتاعت أموات، ومنابر اتسرقت، ونرجو تكون فيه طريقة وجهة معينة تشوف مين اللي مسؤول وتتولى المساجد الأثرية”.