الدكتور قالي هتموت.كريم عبدالعزيز يُفجر مفاجأة بحالته الصحية

أعلن الفنان كريم عبد العزيز عن أصعب أيام حياته، وذلك بعدما اكتشف إصابته بـ 9 جلطات في الرئة وأخبره الأطباء في إنجلترا بأنه سوف يموت ولا محال في ذلك، ومن هنا توقفت حياته بشكل مفاجئ.

وقال كريم عبد العزيز خلال لقائه ببرنامج “sold out” المذاع على منصة watch it مع الإعلامي محمود سعد : “أنا عامل لوالدتي تأمين صحي وكنت مسافر في إنجلترا وكانت والدتي تعبانة وهتعمل عملية، فجأة لقيت آلام غير طبيعية في صدري افتكرته برد ودهنت “فيكس وأبو فاس” وبعدها عملت أشعة ومشيت.

وتابع حديثه: فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا آسفة لكن دا الطب ولازم أقولك ” إنت هتموت”.

واستكمل حديثه، قائلا: “لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي”.

واستكمل حديثه: “قررت أشوف دكتور تاني وفعلا قابلته وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا أجاوب لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت”.