نادية الجندي: عايزة أتجوز راجل ابن حلال، رشاقتي دعم إلهي

نادية الجندي، السينما في دمي وكل حاجة في حياتي، وأنا لو موقفتش قدام كاميرا أحس إني هاموت وحياتي انتهت، من وانا طفلة عمري 5 سنين وانا بمثل في المدرسة والحكاية بقت جوايا، بهذه الكلمات بدأت الفنانة نادية الجندي حديثها مع الإعلامية سهير جودة مقدمة برنامج “الستات”، المذاع على فضائية “النهار”.

نادية الجندي تحدثت عن أحلامها وأمنياتها فى العام الجديد، والتى منها الزواج بأبن الحلال، قائلة:”عايزاه يكون ابن حلال بس ومش طالبة اكتر من كده، ابن حلال يعني احس بسند ورجل يقدر قيمتي وحنون واحس جنبه بالأمان وده اهم احساس في العالم”.

وقالت الفنانة نادية الجندي: “السينما في دمي وكل حاجة في حياتي، وأنا لو موقفتش قدام كاميرا أحس إني هاموت وحياتي انتهت، من وانا طفلة عمري 5 سنين وانا بمثل في المدرسة والحكاية بقت جوايا”.

شرط نادية الجندي للعودة للسينما

الفنانة نادية الجندي، تابعت حديثها قائلة: “أنا مقدرش أعيش من غير الوقوف قدام كاميرا السينما، ولكن لازم أشارك في عمل أكون مقتنعة به وسعيدة بادائه ودور مختلف ويحمل تحدي وأمر مميز”.

ولفتت: “اللى بيتعرض عليا دلوقتي من أعمال فنية حاجات مكررة وسطحية أوى ملهاش معنى، ولو جالي دور سينمائي كويس هوافق معنديش مانع لو جالي دور حلو وشخص حلو يحب يرتبط بيا”.

مواصفات فتى أحلام نادي الجندي

وعن مواصفات الرجل الذي تتمنى خوض تجربة الزواج معه مجددًا، قالت نادية الجندي:”عايزاه يكون ابن حلال بس ومش طالبة اكتر من كده، ابن حلال يعني احس بسند ورجل يقدر قيمتي وحنون واحس جنبه بالأمان وده اهم احساس في العالم”.

نادية الجندي، خرجت نجمة الجماهير الفنانة الكبيرة نادية الجندي من جديد على جمهورها ومتابعيها من مصر ومختلف الدول العربية  بإطلالة أكثر جرأة وجاذبية لتودع عام 2022.

رشاقة نادية الجندي

وعن سر رشاقتها، أوضحت نادية الجندي: “الحرمان من الأكل طول الوقت والرياضة لوحدها مش هتخليني جسمي حلو ولا عندي رشاقة، وطبقا ربنا الأول هو اللى بيدي الانسان الشكل الحلو والكاريزما اللى تخلى الناس تحبه وتتقلبه حتى لو كانت بسيطة، ربنا فوق اي اعتبار، وثانيا التصالح مع النفس ولا الغل مع الغير ولا الحقد علي أحد، لأن الغل والحقد بيطلع تجاعيد علي الوش بنلاقي الواحد شكله كئيب وكله غل لأنه كاره الناس وحقد علي الناس، إنما لما بنضحك بنكون متصالحين مع نفسنا وحب الخير للناس”.

وأضافت: “الثقافة العامة دلوقتي ان الناس كلها ستات ورجالة بيخلوا بالهم اوي من جسمهم وبقى فيه ثقافة الرياضة والرشاقة والتجميل، وده ملهوش علاقة بالعمر وشايفة ان الوعي زاد اوي عن زمان وده حاجة جميلة”.

نادية الجندي أوضحت: “أنا فنانة والفنان لازم يبقى قدوة ونموذج للناس كلها ولما بحافظ علي شكلي ومظهري بحس ان ده احترام لجمهوري والناس كلها”.

سر حب الناس لنادية الجندي

نادية الجندي أكدت:”الناس لم بتشوفني بتقولي احنا بنحبك علشان انتي بتحترمينا، والفنان مينفعش يطلع شكله وحش وتخين ومنظره كئيب، لازم يبقى قدوة وجزء من عملي لازم يكون شكلي صح ولياقتي البدنية صح”.

طقوس نادية الجندي في ليلة رأس السنة

وعن احتفالاتها بليلة رأس السنة كشفت الفنانة نادية الجندي، قائلة: لدي طقوس خاصة في ليلة رأس السنة، بحب أقعد في البيت مع ابني ونقضي الليلة مع بعض، بقرأ فيها القرآن وأتقرب من ربنا بالدعاء أنها تكون كويسة علينا، وهي ليلة فيها روحانيات ودي تعطي راحة نفسية”.

واضافت: “أنا مش بحب الخروجات في ليلة رأس السنة ومش بحب الزحمة والأماكن المزدحمة، وعلمت هشام ابني يعمل زي ما أنا بعمل في ليلة رأس السنة، بدل ما يخرج مع أصحابه وبقى ملتزم بالطقوس الخاصة بيا”.