حسام حبيب يكشف الجديد بشيرين وأهلها وطريقة دخولها مستشفى
أكد المطرب حسام حبيب، أن أهل طليقته الفنانة شيرين عبد الوهاب لم يكونوا يهتمون بأمرها إلا بعد إصدار بيان الصلح بينى وبينها، وقال: «أهلها ليه ماخدوش الخطوة دي من بدري.. أنت شايف إنها بحاجة إلى الرعاية الصحية إشمعنا عملت كده بعد البيان».
وأضاف حسام حبيب، في مداخلة هاتفية لبرنامج الحكاية مع عمرو أديب على قناة إم بي سي مصر، «شيرين عبد الوهاب قالتلي أنت اتظلمت ومن شيم الأدب والاحترام إني أرد لك كرامتك قدام الناس.. قولتلها أنا اللي يردلي كرامتي قدام الناس اثبتي للناس أن علاقة حسام بشيرين مش مضرة».
وقال الفنان حسام حبيب: «أخوها بقاله سنتين مبيكلمهاش… دلوقتي بقي خايف عليها»، و«طليقتي كانت تعرف جدا مدى حبي لها»، مضيفا «شيرين لو كانت شايفة إني إنسان توكسيك زي ما الناس بتقول كانت قفلت العلاقة دي زي غيرها».
وعن أنه وراء إدمانها للمخدرات، قال المطرب حسام حبيب إنه «أمر متناقض، منين سبب طلاقنا أنا وشيرين بسبب الحالة اللي هي وصلتلها… ومنين أنا بعمل زيها.. لا يمكن دا أصلا سبب خلافنا».
وشدد الفنان حسام لبيب قائلا: «اللي عايز يدمر شيرين شخص قالي في يوم أنا معايا توكيل رسمي منها وهحجر عليها.. وكان ردي عليه: نأبكم هيطلع على شونة.. لأن احنا مأمنين كل رصيدها لبناتها بره مصر بشكل كامل، وخططكم هتفشل، مش هتنجح».
وحول تفاصيل إيداع المطربة شيرين عبد الوهاب في المستشفى، قال: «الليلة اللي اخدوا فيها شيرين من البيت للمستشفى.. أخوها كان شايل مطوة ومعاه الدكتور، مسحولة ونازلة حافية».
وأضاف حسام حبيب: «وقت ما اخدوا شيرين للمستشفى بقيت عمالة تصوت وتقول الحقني يا حسام.. حاولت أنهم يصبروا عليها أو امنعه من الطريقة دي وإن ده يتم بالعقل والهدوء يعيدا عن العنف.. وشيرين وقت ما أخدوها للمستشفى.. بقيت عمالة تقوله أنا شيرين عبد الوهاب يتعمل فيا كدة.. أنا اللي عالجتك لسنين تعمل فيا كده».
مشددا على أنه كان بصحبتها عند ذهابها للمستشفى، وقال: «وقت ما أخدوا شيرين كنت أنا وهي واتنين أصحابنا والشغالة معاها».
