حازم إمام: أبو جبل أخطأ واستمراره في الزمالك مرفوض جماهريًا
هشام شاهين
انتقد حازم إمام نجم نادى الزمالك السابق وعضو اتحاد الكرة، ما قام به محمد أبو جبل حارس مرمى الزمالك بشأن التوقيع لنادى التعاون السعودى عقب بطولة أمم إفريقيا الأخيرة.
وقال إمام فى تصريحات تليفزيونية :” ماينفعش أبوجبل يروح يوقع لنادي وهو علي ذمة نادى الزمالك ويكون الزمالك بالنسبة له آخر خيار يلجأ ليه لما ميلاقيش نادي يرضي بيه “.
وأكمل: “كنت اتمني وهو متألق وفي عزه في أمم إفريقيا أن يختار الزمالك مش لما يقع وميلاقيش نادي يختارنا وبالنسبالي انا بحبك و انت حارس كبير و موضوع رجوعك مرفوض من الجماهير و لا اعلم موقف الاداره من الموافقه على رجوعك” .
وأوضح: “لازم ابوجبل يقول انا غلطت ، كان لازم يضحي بالعروض عشان الزمالك , انا لما كنت بلعب جالي عروض كتير بس كنت بقول لا هكمل في الزمالك، هو عاوز يرجع دلوقتي عشان مفيش نادي عاوزه ولا يوجد لديه عروض” .
وأضاف عضو اتحاد الكرة:” اللي عاوز الزمالك يختاره علي طول في أوقات العروض المغرية مالياً مش و هو معندوش اي عرض ، كان ممكن يكون مقبول من شهرين لكن دلوقتي العودة صعبه.
واختتم حازم إمام :” انا بشتغل لحد دلوقتي على حس وجودى في الزمالك كل ده له ثمن، اللى ميقدرش ده غلطان، انا كزملكاوى كنت احب ابو جبل يرجع وهو متألق وبتجيله عروض انما دلوقتي صعب، مفتكرش جمهور الزمالك هيتقبل عودة ابو جبل تانى”.
