بعد مفاجأة فريد الديب.. نيرة أشرف تتصدر تويتر
تصدر هاشتاج #نيرة_أشرف ضحية طالب المنصورة بعد تردد أنباء عن تولي المحامي الشهير فريد الديب مهمة الدفاع عن القاتل محمد عادل.
واستنكر نشطاء موقع التواصل الاجتماعي “تويتر” تلك الأنباء، وقالت متابعة: “بعد اللي شوفته وقريته وهاشتجات وكومنتات دفاع عن قاتل عمد وذبح فى وسط النهار والناس بتتفرج وتصور.. أحب أعرفكم أن الجريمة دى هتشوفوها كتييير بعد كده طالما القاتل لقى اللي متعاطف معاه وبيدافع عنه، لكم من الله ما تستحقون.. #نيرة_أشرف”.
وأضاف متابع: “#نيرة_أشرف.. الجماعات الإخوانية والسلفية شغالين دعم للدفاع عن القاتل وراحوا دفعوا علشان يدافع عنه اللي اهتم بالأتعاب ومش مهم مصدرها ومش مهم أنه قاتل أو لا.. محاولات مستميتة لإشاعة الفوضى وتبرير القتل بالمجتمع.. أتمنى القضاء المصري يكون عند كلمته وينفذ حكم الإعدام”.
وتابعت مغردة: “#فريد_الديب يعلن قبوله الدفاع عن محمد عادل قاتل #نيرة_أشرف مش فهمه ليه عايزين يوسعوا فى القضيه دى بالذات فى أسوأ الأحوال محمد هياخد مؤبد، لكن المفروض يعدم ليكون عبره لغيره، القضيه دى غير طبيعيه بالمره”.
وقال متابع: “#نيرة_أشرف حسبي لله ونعم الوكيل في كل واحد طعن في شرفها وكل واحد دفع جنيه علشان ينجي المتهم من العقاب مش قادره هو الشعب ازاي كده ده انتم شايفين الجريمه بعنيكم معدني الضمير والاخلاق”.
وواصل ناشط:” #نيرة_أشرف تعاطف مع قاتل اكونتات جديده بتدافع عنه مبالغ كبيره بتتلم للدفاع عنه هو فيه ايه هو قتل فرخه انتم شايفين بعنيكم حسبي الله ونعم الوكيل”.
وعلقت متابعة:”بعد الل شوفته وقريته وهاشتجات وكومنتات دفاع عن قاتل عمد وذبح فى وسط النهار والناس بتتفرج وتصور
احب اعرفكم ان الجريمه دى هتشوفوها كتييير بعد كده طالما القاتل لقى الل متعاطف معاه وبيدافع عنه”.
واختتمت مغردة:” تولي فريد الديب الدفاع عن قاتل #نيرة_أشرف هيعلم الشباب تدبح في عز الضهر طالما معاها أجرة محامي زي فريد الديب وحتى لو مش معاهم أجرته زي محمد عادل.. فاللي دفع له ممكن يدفع لهم.
فريد الديب
وترددت أبناء قوية عن تولي المحامي الشهير فريد الديب، مهمة الدفاع عن محمد عادل قاتل الطالبة نيرة أشرف.
وذكرت الأخبار المتداولة أن رجال أعمال مصريين لا تربطهم أي علاقة بالمتهم، ولا بأسرته وكلوا “الديب” للدفاع عن محمد عادل، وأنه وافق على ذلك من حيث المبدأ.
