دومنيك حوراني:مش هلاقي زي خفة دم الراجل المصري بالعالم كله
كشفت الفنانة اللبنانية دومينيك حوراني عن تفاصيل علاقتها بـ ببعض زملائها في الوسط الفني، بجانب الحديث عن الراجل المصري ومدى إعجابها به.
وقالت دومينيك حوراني، خلال حوارها مع الإعلامية مروة صبري، في برنامجها قعدة ستات المذاع على قناة القاهرة اليوم: بحب محمود الليثي كفنان، وسعد الصغير كمان، وعصام كاريكا، عرفاه من زمان، وعمر كمال، وبحب أغانيه عشان بترقصني، وبتخليني مبسوطة، وأكتر أغاني بحبها لعمر كمال، أنتي معلمة وبسكوتاية مقرمشة، وكل أغانيه حلوة.
ودافعت دومينيك حوراني عن أغاني المهرجانات الشعبية قائلة: روحي أي فرح دلوقتي، هتلقي الأغاني الي شغالة أغاني المهرجانات، وده بسبب أن إيقاع الأغاني ده حلو وبيرقص، والناس عاوز تتبسط، خاصة بعد فترة كورونا ديه بقا عندنا كبت، فلازم نطلعها بالرقص والفرح.
كما أعربت دومينيك حوراني عن إعجابها بالراجل المصري قائلة: الراجل المصري عسل، وبيقول كلام حلو أوي طول الوقت، زي يا مزة يا قمر، ومش هتلاقي رجالة في العالم كله زي الرجالة المصريين، فالراجل اللبناني بيدلع وبيكون عامل زي البيبي، لكن الراجل المصري بيدلع أكتر، وبعرف ادلع الراجل.
وتابعت: وكل حاجة ليها وقتها، وكل حاجة بتعمليها لازم تضعي شوية حب، زي حبك للراجل حبك للبيت، وأنا أؤمن بالحب من أول نظرة، عشان تاني نظرة بيختفي.
