عمرو أديب يكشف مصير رمضان صبحي مع بيراميدز
أكد الإعلامي عمرو أديب، أن رمضان صبحي حسم مصيره وقرر البقاء في بيراميدز وعدم العودة الي النادي الأهلي.
وأضاف خلال برنامج “الحكاية” المذاع علي قناة “إم بي سي مصر” أن رمضان صبحي لن يترك بيراميدز بشكل نهائي ليغلق بذلك المجال أمام التصريحات الأخيرة حول تدخل بعض الوسطاء من رجال الأعمال لإعادته للنادي الأهلي.
وتابع “أديب”:”جمهور الأهلي مش عايز يسيب رمضان صبحي في حاله، وأنا مش عارف ليه؟ وبنلاقي أي حركة بيعملها رمضان صبحي يبقي هاشتاج ويقولك ادي لطموح”.
وناشد عمرو أديب جماهير الأهلي قائلًا:”سيبوا رمضان صبحي يلعب، الضغط اللى عليه رهيب هو اللى يخرج من الأهلي نعلن عليه الحرب، والأهلي خد الثلاثية من غير رمضان صبحي ولم يتأثر من رحيله”.
وأكمل:”فيه هاشتاج لرمضان صبحي كل يومين مرة، واَخر حاجة هاشتاج ان رمضان صبحي ندمان وعايز يرجع الأهلي تاني وأن هناك وسطاء من رجال الأعمال لعودته، ولازم نقول ان بيراميدز نادي محترم وكبير..هو رمضان هيقعد يتعاقب العمر كله..اللاعب عليه ضغط غير طبيعي”.